ലണ്ടൻ
മൗറീസിയോ പൊച്ചെട്ടീനോ ചെൽസിയുടെ പരിശീലകനാകും. അടുത്ത സീസൺമുതൽ ഈ അർജന്റീനക്കാരനുകീഴിലാകും ചെൽസി അണിനിരക്കുക.
ഈ സീസണിൽ രണ്ട് പരിശീലകരെയാണ് ഇംഗ്ലീഷ് ഫുട്ബോൾ ക്ലബ് പുറത്താക്കിയത്. തോമസ് ടുഷെലിന്റെയും ഗ്രഹാം പൊട്ടെറിന്റെയും കസേര തെറിച്ചു. താൽക്കാലിക ചുമതലയുള്ള ഫ്രാങ്ക് ലംപാർഡിനുകീഴിലാണ് നിലവിൽ ടീം കളിക്കുന്നത്. കഴിഞ്ഞ അഞ്ച് വർഷത്തിനിടെ ചെൽസി നിയമിക്കുന്ന ആറാമത്തെ പരിശീലകനാണ് പൊച്ചെട്ടീനോ. ഇംഗ്ലീഷ് പ്രീമിയർ ലീഗിൽ സതാംപ്ടണിന്റെയും ടോട്ടനം ഹോട്സ്പറിന്റെയും കോച്ചായിരുന്നു. പിഎസ്ജി, എസ്പാന്യോൾ ടീമുകൾക്കും ഈ അർജന്റീനക്കാരൻ തന്ത്രമോതി.
