കൊച്ചി> കാത്തിരിന്ന പ്രേക്ഷകരെ ഞെട്ടിച്ച് ‘ആടുജീവിതം’ ട്രെയിലർ. പൃഥ്വിരാജ്- ബ്ലെസി ടീമിന്റെ ചിത്രം അവസാന പണിപ്പുരയിരിക്കെയാണ് ഫെസ്റ്റിവൽസിനു വേണ്ടി സമർപ്പിച്ച ഒരു പ്രിവ്യൂ ട്രെയിലർ പുറത്ത് വന്നത്. ജനങ്ങൾ വീഡിയോ എറ്റെടുത്തതിന് പിന്നാലെ പൃഥ്വിരാജും അണിയറപ്രവർത്തകരും വിഡിയോ പുറത്തുവിട്ടു.
‘ഫെസ്റ്റിവൽ സർക്യൂട്ടുകൾക്ക് മാത്രമായി കട്ട് ചെയ്ത ആടുജീവിതം ട്രെയിലർ ഓൺലൈനില് എത്തിയിരുന്നു. അതിനാല് ആടുജീവിതം, ദ ഗോട്ട് ലൈഫ് ( ചിത്രം പൂര്ത്തിയായിട്ടില്ല ജോലികള് പുരോഗമിക്കുകയാണ്) ട്രെയിലർ ലോകമെമ്പാടുമുള്ള ഫിലിം ഫെസ്റ്റ് വെല്ലുകൾക്ക് മാത്രമായുള്ളതാണ്. നിങ്ങള്ക്ക് ഇഷ്ടപ്പെടുമെന്ന് പ്രതീക്ഷിക്കുന്നു‘ – പൃഥ്വി ഫെയ്സ്ബുക്കിൽ കുറിച്ചു. ഒക്ടോബർ 20നാണ് ആടുജീവിതം പ്രദർശനത്തിനെത്തുന്നത്. മാജിക് ഫ്രെയിംസ് ആണ് സിനിമ വിതരണം.
