ഒളിമ്പിക്‌സ്‌ യോഗ്യത ഫുട്‌ബോൾ ; ഇന്ത്യക്ക്‌ 
അഞ്ചുഗോൾ 
ജയം

ബിഷ്കെക് (കിർഗിസ്ഥാൻ)
എഎഫ്സി ഒളിമ്പിക്സ് യോഗ്യതാ ഫുട്ബോളിൽ ഇന്ത്യൻ വനിതകൾ അഞ്ച് ഗോളിന് കിർഗിസ്ഥാനെ തോൽപ്പിച്ചു. കിർഗിസ്ഥാനിലെ ഡോളൻ ഒമർസകോവ് സ്റ്റേഡിയത്തിൽ നടന്ന മത്സരത്തിൽ അഞ്ജു തമാങ് ഇരട്ടഗോൾ നേടി. സൗമ്യ ഗുഗുലോത്ത്, രേണു, ഷിൽകി എന്നിവർ പട്ടിക പൂർത്തിയാക്കി. ലോക റാങ്കിങ്ങിൽ ഇന്ത്യ 61–-ാംസ്ഥാനത്താണ്. കിർഗിസ്ഥാൻ 123. ഇന്ത്യ ഉൾപ്പെട്ട ജി ഗ്രൂപ്പിൽനിന്ന് തജിക്കിസ്ഥാൻ പിൻവാങ്ങിയിരുന്നു. വെള്ളിയാഴ്ച ഇന്ത്യയും കിർഗിസ്ഥാനും വീണ്ടും ഏറ്റുമുട്ടും. രണ്ട് കളിയും ജയിച്ചാൽ ഒക്ടോബറിൽ നടക്കുന്ന രണ്ടാംറൗണ്ടിലേക്ക് മുന്നേറാം.