ഒട്ടാവ> ക്യാനഡയിൽനിന്ന് അമേരിക്കയിലേക്ക് അനധികൃതമായി കുടിയേറാൻ ശ്രമിച്ച ഇന്ത്യൻ കുടുംബം ഉൾപ്പെടെ എട്ട് പേരെ അതിർത്തിയിൽ മരിച്ച നിലയിൽ കണ്ടെത്തി. റൊമാനിയൻ സ്വദേശിയും ഇന്ത്യൻ പൗരനും ഉൾപ്പെടെ ആറ് മുതിർന്നവരും രണ്ട് കുട്ടികളുമാണ് മരിച്ചത്.
മരിച്ച ആറ് പേർ രണ്ട് കുടുംബത്തിൽനിന്നുള്ളവരാണ്. സെന്റ് ലോറൻസ് നദിയുടെ തീരത്തുനിന്നാണ് മൃതദേഹങ്ങൾ കണ്ടെത്തിയത്. ചതുപ്പിൽ മറിഞ്ഞ നിലയിൽ കാണപ്പെട്ട ബോട്ടിന് സമീപമായിരുന്നു മൃതദേഹങ്ങൾ.
