ന്യൂഡൽഹി
ലോക വനിതാ ബോക്സിങ് ചാമ്പ്യൻഷിപ്പിൽ പ്രതീക്ഷയോടെ ഇന്ത്യൻ താരങ്ങൾ. ഇന്ന് നിതു ഗംഗാസും സ്വീറ്റി ബൂറയും കിരീടപ്പോരാട്ടത്തിന് ഇറങ്ങും. നാളെയാണ് നിഖാത് സറീനിന്റെയും ലവ്ലിന ബൊർഗോഹെയ്നിന്റെയും ഫൈനൽ.
നിതു 48 കിലോ വിഭാഗത്തിൽ മംഗോളിയയുടെ അൽടാൻറ്റ്സെറ്റ്സെഗ് ലുസ്തായ്ഖാനെ നേരിടും. സ്വീറ്റി 81 കിലോയിൽ ചൈനയുടെ ലിന വാങ്ങുമായി മത്സരിക്കും.സറീന് നാളെ വിയത്നാമിന്റെ എൻഗുയെൻ തി താമാണ് എതിരാളി. 50 കിലോ വിഭാഗത്തിലാണ് മത്സരം. 75 കിലോയിൽ ലവ്ലിന ഓസ്ട്രേലിയയുടെ കയ്റ്റ്ലിൻ പാർക്കെറുമായി ഏറ്റുമുട്ടും.
