ഏഷ്യാ കപ്പ്‌ 
പാകിസ്ഥാനിൽ ; ഇന്ത്യക്ക്‌ മറ്റൊരു വേദി

മുംബൈ
ഏഷ്യാ കപ്പ് ഏകദിന ക്രിക്കറ്റിൽ ഇന്ത്യ പങ്കെടുക്കും. എന്നാൽ, മുഖ്യവേദിയായ പാകിസ്ഥാനിൽ കളിക്കില്ല. ഇന്ത്യയുടെ മത്സരങ്ങൾ സാമാന്തര വേദിയിൽ നടത്താനാണ് നീക്കം. ശ്രീലങ്ക, യുഎഇ, ഒമാൻ, ഇംഗ്ലണ്ട് എന്നിവയാണ് പരിഗണനയിൽ. ആകെ 13 കളിയാണ് ടൂർണമെന്റിൽ. ഫൈനലിൽ എത്തിയാൽ ഇന്ത്യക്ക് അഞ്ച് കളിയുണ്ടാകും. ഇതെല്ലാം പുറത്ത് നടത്താനുള്ള പ്രായോഗിക ബുദ്ധിമുട്ടുമുണ്ട്. എന്നാൽ, പാകിസ്ഥാനിൽ കളിക്കില്ലെന്ന ബിസിസിഐ വാദത്തെ തുടർന്നാണ് സംഘാടകർ ഇന്ത്യയുടെ കളി പുറത്ത് നടത്താനൊരുങ്ങുന്നത്.