കുവൈറ്റ് സിറ്റി> ജഹ്റ പ്രദേശത്ത് താമസിക്കുന്ന പ്രവാസികൾക്കായി മാർച്ച് 31ന് ഇന്ത്യൻ എംബസി കോൺസുലർ ക്യാമ്പ് നടത്തും. രാവിലെ 9 മുതൽ ഉച്ചകഴിഞ്ഞ് 3 വരെ ഡോഡി കിഡ്സ് നഴ്സറിയിൽ (ബ്ലോക്ക് – 02, സ്ട്രീറ്റ് – 06, വീട് 2, വാഹ ഏരിയ – ജഹ്റ ) ആണ് ക്യാമ്പ് നടക്കുക.
പാസ്പോർട്ട് പുതുക്കൽ, ഓൺലൈൻ ഫോം പൂരിപ്പിക്കൽ, ഫോട്ടോഗ്രാഫ്, റിലേഷൻഷിപ്പ് സർട്ടിഫിക്കറ്റ്, ഡ്രൈവിംഗ് ലൈസൻസ് എക്സ്ട്രാക്റ്റ്, ജനറൽ പവർ ഓഫ് അറ്റോർണി, സിഗ്നേച്ചർ അറ്റസ്റ്റേഷൻ, മറ്റ് പൊതു അറ്റസ്റ്റേഷൻ സേവനങ്ങൾ തുടങ്ങി വിവിധ സേവനങ്ങൾ ലഭ്യമാക്കും എന്ന് എംബസി അറിയിച്ചു. അന്നേദിവസം സാക്ഷ്യപ്പെടുത്തിയ രേഖകളും അതേ സ്ഥലത്ത് വിതരണം ചെയ്യുന്നതിനാൽ കമ്മ്യൂണിറ്റി അംഗങ്ങൾക്ക് ഇവ ശേഖരിക്കാൻ എംബസിയിലേക്കുള്ള യാത്ര ഒഴിവാക്കാനാകും എന്നും അധികൃതർ പറഞ്ഞു. അതേസമയം സേവനങ്ങൾക്കായുള്ള ഫീസ് പണമായി മാത്രമേ സ്വീകരിക്കൂ എന്നും അറിയിച്ചിട്ടുണ്ട്.
