കുവൈറ്റിൽ നഴ്സായിരുന്ന കോന്നി സ്വദേശിനി അന്തരിച്ചു

കുവൈത്ത്സിറ്റി> കുവൈറ്റ് ആരോഗ്യ മന്ത്രാലയത്തിന് കീഴിലുള്ള സബാ എൻ ബി കെ ആശുപത്രിയിലെ സ്റ്റാഫ് നഴ്സ്, അശ്വതി ദിലീപ് (41) അന്തരിച്ചു. ക്യാൻസർ രോ​ഗബാധിതയായി ചികിത്സയിലായിരിക്കെയാണ് മരണം. അൽ അഹലിയ സ്വിച്ച് ഗിയർ കമ്പനിയിലെ സ്റ്റാഫായ പത്തനംതിട്ട – കോന്നി, കുമ്മണ്ണൂർ കറ്റുവീട്ടില് പുത്തൻവീട് (മെഴുവേലിൽ) ദിലീപിൻ്റെ ഭാര്യയാണ്. മക്കള്: അനശ്വര ദിലീപ്, ധന്വന്ത് ദിലീപ്. സാരഥി കുവൈറ്റിൻ്റെ വനിതാവേദിയുടെ സജീവ പ്രവർത്തകയായിരുന്നു.