ബെർലിൻ
വിഖ്യാതമായ ബെർലിൻ ചലച്ചിത്രമേളയില് മികച്ചനടിക്കുള്ള സില്വര് ബിയര് പുരസ്കാരം നേടി എട്ടുവയസ്സുകാരി. “20,000 സ്പീഷീസ് ഓഫ് ബീസ്’ എന്ന ചിത്രത്തില് ട്രാന്സ്ജെന്ഡര് കുട്ടിയെ അവതരിപ്പിച്ച സ്പാനിഷ് പെൺകുട്ടി സോഫിയ ഒട്ടെറോയാണ് പുരസ്കാരം നേടിയത്.
ജീവിതം അഭിനയത്തിനായി സമർപ്പിക്കാനാണ് ആഗ്രഹമെന്ന് പുരസ്കാരം ഏറ്റുവാങ്ങി ഒട്ടെറോ പറഞ്ഞു. സ്വന്തം വ്യക്തിത്വം തിരിച്ചറിയാന് ശ്രമിക്കുന്ന കുട്ടിയുടെ കഥപറഞ്ഞ സിനിമ ഒരുക്കിയത് സ്പാനിഷ് സംവിധായിക എസ്റ്റിബാലിസ് ഉറെസോള സോളാഗുറനാണ്.
