കാലടി > കാലടിയിൽ കാറും ബൈക്കും കൂട്ടിയിടിച്ച് ബൈക്ക് യാത്രികൻ നീലീശ്വരം കമ്പിനിപ്പടി ചേലാട്ട് വീട്ടിൽ അമിത്ത് (21) മരിച്ചു. ബൈക്കിന് പുറകിലിരുന്ന സുഹൃത്തിനെ പരിക്കുകളോടെ അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
വെള്ളിയാഴ്ച രാത്രി 12.00 യോടെ കാലടി പൊലീസ് സ്റ്റേഷന് സമീപമാണ് വാഹനപകടം. മലയാറ്റൂർ നീലീശ്വരം പഞ്ചായത്ത് പതിമൂന്നാം വാർഡ് അംഗം മിനി സേവ്യറിൻ്റെ രണ്ടാമത്തെ മകനാണ് അമിത്ത്. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ട് കൊടുക്കും. കാലടി പൊലീസ് മേൽ നടപടി സ്വീകരിച്ചു. സഹോദരൻ: അമൽ (ജർമനി).
