ജീവകാരുണ്യമെന്നാൽ മെഡിക്കൽ സഹായം മാത്രമല്ലെന്ന്‌ സുപ്രീംകോടതി

ന്യൂഡൽഹി
കേരള കെട്ടിട നികുതി നിയമത്തിലെ ‘ജീവകാരുണ്യ പ്രവർത്തനങ്ങൾ’ എന്ന പ്രയോഗത്തിന് സൗജന്യ മെഡിക്കൽ സഹായങ്ങൾ എന്നു മാത്രമല്ല അർഥമെന്ന് സുപ്രീംകോടതി. 2014ലെ സുപ്രീംകോടതിയുടെതന്നെ രണ്ടംഗബെഞ്ച് ജീവകാരുണ്യ പ്രവർത്തനങ്ങളെന്നാൽ സൗജന്യ മെഡിക്കൽ സഹായങ്ങൾ എന്നാണ് അർഥമെന്ന് ഉത്തരവിട്ടിരുന്നു. ഈ ഉത്തരവിന്റെ അടിസ്ഥാനത്തിൽ ലിസി മെഡിക്കൽ സ്ഥാപനങ്ങൾക്ക് നികുതി ഇളവുകൾക്ക് അർഹത ഇല്ലെന്ന് കേരള ഹൈക്കോടതി ഉത്തരവിട്ടിരുന്നു. ഇതിനെതിരെ സമര്പ്പിച്ച ഹര്ജിയിലാണ് ചീഫ് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ചിന്റെ പുതിയ ഉത്തരവ്.