തിരുവനന്തപുരം> കേരള വികസനവുമായി ബന്ധപ്പെട്ട് അക്കാദമിക -നയരൂപീകരണ ചർച്ചകൾക്ക് വേദിയൊരുക്കാൻ സെന്റർ ഫോർ സോഷ്യോ- ഇക്കണോമിക് ആൻഡ് എൻവയോൺമെന്റൽ സ്റ്റഡീസിന്റെ (സിഎസ്ഇഎസ്) ‘ഡയലോഗ്സ് ഓൺ കേരള ഡെവലപ്മെന്റ്’ കോൺഫറൻസ് സീരീസ് ആരംഭിക്കും.
തൈക്കാട് കേരള സ്റ്റേറ്റ് ഇൻസ്റ്റിറ്റ്യൂട്ട് ഓഫ് ഹെൽത്ത് ആൻഡ് ഫാമിലി വെൽഫയറിൽ നടക്കുന്ന ആദ്യ കോൺഫറൻസിന്റെ ഉദ്ഘാടനം വ്യാഴം രാവിലെ 10.30ന് സംസ്ഥാന പ്ലാനിങ് ബോർഡ് വൈസ് ചെയർപേഴ്സൺ പ്രൊഫ. വി കെ രാമചന്ദ്രൻ നിർവഹിക്കും. ‘മാറുന്ന കേരളത്തിന്റെ വെല്ലുവിളികൾ: ആരോഗ്യം, ജനസംഖ്യാമാറ്റം’ എന്ന വിഷയമാണ് ചർച്ച ചെയ്യുക.
വിവരങ്ങൾക്ക്: https://csesindia.org/dialogues on kerala-development-1/. ഫോൺ: 9037250233. കേരളം അഭിമുഖീകരിക്കുന്ന ഒരു വികസന പ്രശ്നത്തെ മുൻനിർത്തി മൂന്നു വർഷത്തിലൊരിക്കൽ ചർച്ചകൾ സംഘടിപ്പിക്കുക എന്നതാണ് ദേശീയ കോൺഫറൻസ് പരമ്പരയിലൂടെ ലക്ഷ്യമിടുന്നത്.
