കൊല്ലം
സംസ്ഥാന സ്കൂൾ ഗെയിംസ് സീനിയർ ഹോക്കി ആൺകുട്ടികളുടെ വിഭാഗത്തിൽ കൊല്ലം ചാമ്പ്യൻമാരായി. പാലക്കാടിനെയാണ് തോൽപ്പിച്ചത് (3–-0). തൃശൂരിനാണ് മൂന്നാംസ്ഥാനം. പെൺകുട്ടികളിൽ പത്തനംതിട്ട ചാമ്പ്യൻമാരായി. തിരുവനന്തപുരത്തെ 2 –-1ന് തോൽപ്പിച്ചു. എറണാകുളമാണ് മൂന്നാമത്.
സീനിയർ ബേസ്ബോളിൽ ആൺകുട്ടികളുടെയും പെൺകുട്ടികളുടെയും വിഭാഗത്തിൽ മലപ്പുറം ജേതാക്കളായി. ആൺകുട്ടികളുടെ വിഭാഗത്തിൽ എറണാകുളത്തിനാണ് രണ്ടാംസ്ഥാനം. ആലപ്പുഴ മൂന്നാമതും. പെൺകുട്ടികളുടെ വിഭാഗത്തിൽ കോട്ടയമാണ് രണ്ടാമത്. മൂന്നാമത് തൃശൂർ. ഹാൻഡ്ബോൾ സീനിയർ (ആൺ, പെൺ), ജൂനിയർ (ആൺ, പെൺ) വിഭാഗങ്ങളിൽ തൃശൂർ ജേതാക്കളായി.
സീനിയർ പെൺകുട്ടികളുടെ വിഭാഗത്തിൽ മലപ്പുറം രണ്ടും കണ്ണൂർ മൂന്നും സ്ഥാനം നേടി. സീനിയർ ആൺകുട്ടികളിൽ രണ്ടാംസ്ഥാനം കണ്ണൂരിനും മൂന്നാംസ്ഥാനത്ത് കോഴിക്കോടുമാണ്. ജൂനിയർ ആൺകുട്ടികളിൽ കണ്ണൂർ രണ്ടാമതായി. കൊല്ലമാണ് മൂന്നാമത്. ജൂനിയർ പെൺകുട്ടികളിൽ രണ്ടാംസ്ഥാനത്ത് മലപ്പുറവും മൂന്നാംസ്ഥാനത്ത് പാലക്കാടും. ബുധനാഴ്ച സബ്ജൂനിയർ ഹോക്കി, സീനിയർ ജൂഡോ, സബ്ജൂനിയർ ഹാൻഡ്ബോൾ മത്സരങ്ങൾ നടക്കും.
