മൂന്നാർ> എൻജിൻ തകരാർ പരിശോധിക്കുന്നതിനിടെ വിനോദ സഞ്ചാരികളുടെ കാറിന് തീപിടിച്ച് അപകടം. കാറിനുള്ളിലുണ്ടായിരുന്നവർ രക്ഷപ്പെട്ടു. ചൊവ്വ രാവിലെ ഒമ്പതോടെ മൂന്നാർ, മാട്ടുപ്പെട്ടി റോഡിൽ കെഎഫ്ഡിസിയുടെ പൂന്തോട്ടത്തിന് മുന്നിലാണ് സംഭവം.
കഴിഞ്ഞദിവസം മാട്ടുപ്പെട്ടി സന്ദർശനം കഴിഞ്ഞ് മടങ്ങിയ മലപ്പുറം മഞ്ചേരി സ്വദേശികളായ ആറുപേർ സഞ്ചരിച്ച കാറാണ് പൂന്തോട്ടത്തിന് മുന്നിലെത്തിയപ്പോൾ തകരാറിലായത്. കാർ റോഡരികിൽ നിർത്തിയശേഷം ഇവർ മുറിയിലേക്ക് മടങ്ങി. ചൊവ്വ രാവിലെ മെക്കാനിക്കുമായെത്തി എൻജിൻ തകരാർ പരിശോധിക്കുന്നതിനിടെയാണ് തീ പിടിച്ചത്. മൂന്നാർ അഗ്നിരക്ഷാ സേനയെത്തി തീയണച്ചു.
