കളമശേരി> ഡിഗ്രി വിദ്യാർത്ഥിനി ക്ലാസ് മുറിയിൽ കുഴഞ്ഞ് വീണു മരിച്ചു. ചങ്ങമ്പുഴ നഗർ ദാറുൽ ബനാത്ത് യത്തീംഖാനക്ക് സമീപം നീറുങ്കൽ വീട്ടീൽ അബുബക്കറിൻ്റെയും റസിയയുടെയും മകൾ അൻസി മോൾ (19) ആണ് മരിച്ചത്. ഖബറടക്കം ബുധനാഴ്ച തൃക്കാക്കര ജുമാ മസ്ജിദ് ഖബർസ്ഥാനിൽ.
തൃക്കാക്കര ഭാരതമാതാ കോളേജ് രണ്ടാം വർഷ ബിഎസ് സി മാത്ത്സ് വിദ്യാർത്ഥിനിയാണ്. ചൊവ്വ ഉച്ചക്ക് ശേഷം ഇൻ്റർവെൽ സമയത്ത് കൂട്ടുകാരുമായി സംസാരിച്ചിരിക്കെ കഴിഞ്ഞു വീഴുകയായിരുന്നു. ഉടനെ സ്വകാര്യ ആശുപത്രിയിലെത്തിച്ചെങ്കിലും മരിച്ചിരുന്നു. സഹോദരി: നസ്രിയ.
