തിരുവനന്തപുരം> സംസ്ഥാന സ്കൂൾ കലോത്സവം വൻ വിജയമാക്കി തീർത്ത എല്ലാവർക്കും വിദ്യാഭ്യാസമന്ത്രി വി ശിവൻകുട്ടി നന്ദി അറിയിച്ചു. കലോത്സവവുമായി ബന്ധപ്പെട്ട് അഹോരാത്രം പ്രവർത്തിച്ച വിവിധ കമ്മിറ്റികൾ, പൊതു വിദ്യാഭ്യാസ വകുപ്പിലെ ഉദ്യോഗസ്ഥർ, പോലീസും ഫയർഫോഴ്സും അടക്കമുള്ള മറ്റു ഉദ്യോഗസ്ഥർ, അച്ചടി, ദൃശ്യ, ശ്രവ്യ, ഓൺലൈൻ മാധ്യമ പ്രതിനിധികൾ തുടങ്ങിയവർക്ക് മന്ത്രി പ്രത്യേക നന്ദി അറിയിച്ചു.
കലോത്സവത്തിൽ ആരോഗ്യകരമായ മത്സരങ്ങളാണ് ഉണ്ടായത്. സഹകരണ മനോഭാവത്തോടു കൂടി പ്രവർത്തിച്ച മത്സരാർത്ഥികളുടെ രക്ഷകർത്താക്കളും അഭിനന്ദനം അർഹിക്കുന്നു. കോഴിക്കോട് നടന്ന കലോത്സവം ചരിത്രത്തിൽ ഇടംപിടിച്ചു- മന്ത്രി പറഞ്ഞു.
