തിരുവനന്തപുരം
ജനാധിപത്യ മഹിളാ അസോസിയേഷൻ 13–-ാം അഖിലേന്ത്യ സമ്മേളനത്തിന്റെ തീം സോങ് “പെണ്ണ് പൂക്കുന്ന കാലം’ ചലച്ചിത്രതാരം നവ്യ നായർ റിഗാറ്റ നാട്യസംഗീത കേന്ദ്രം ഡയറക്ടർ ഗിരിജ ചന്ദ്രന് നൽകി പ്രകാശിപ്പിച്ചു. സമ്മേളനത്തിന് എല്ലാവിധ ആശംസയും നേരുന്നതായി നവ്യ പറഞ്ഞു. ജനുവരി ആറുമുതൽ ഒമ്പതുവരെ തിരുവനന്തപുരത്താണ് അഖിലേന്ത്യ സമ്മേളനം.
അസോസിയേഷൻ അഖിലേന്ത്യ വൈസ് പ്രസിഡന്റ് പി കെ ശ്രീമതി, സംസ്ഥാന സെക്രട്ടറി സി എസ് സുജാത, കേന്ദ്ര കമ്മിറ്റി അംഗം ടി എൻ സീമ, അസി. സെക്രട്ടറി എൻ സുകന്യ, സംസ്ഥാന ജോ. സെക്രട്ടറി എസ് പുഷ്പലത, ജില്ലാ സെക്രട്ടറി ശ്രീജ ഷൈജുദേവ് എന്നിവരും പങ്കെടുത്തു. മുരുകൻ കാട്ടാക്കട രചിച്ച ഗാനത്തിന് ബി ആർ ബിജുറാം സംഗീതം നൽകി. പുഷ്പവതിയാണ് ആലപിച്ചത്.
