മലയാറ്റൂർ നക്ഷത്ര തടാകത്തിലേക്ക്‌ കാർ മറിഞ്ഞ്‌ രണ്ടുപേർ മരിച്ചു

മലയാറ്റൂർ > മലയാറ്റൂര് നക്ഷത്ര തടാകത്തില് കാര് നിയന്ത്രണംവിട്ട് മറിഞ്ഞ് രണ്ടുപേര്ക്ക് ദാരുണാന്ത്യം. ഇടുക്കി ഉപ്പുതറ സ്വദേശി ശ്രീനിവാസൻ, മുരിക്കാശ്ശേരി സ്വദേശി ബിനു എന്നിവരാണ് മരിച്ചത്. കാറിൽ നിന്ന് പുറത്തിറങ്ങി നിൽക്കുകയായിരുന്ന അഖിൽ എന്നയാൾ രക്ഷപ്പെട്ടു. അടിവാരത്തുള്ള മണപ്പാട്ട് ചിറയിലാണ് അപകടമുണ്ടായത്. പെരുമ്പാവൂരിലെ സ്വകാര്യ സ്ഥാപനത്തിലെ ജീവനക്കാരാണ് അപകടത്തിൽ മരിച്ച രണ്ടുപേരും. സംഘം നക്ഷത്ര തടാകം കാണുന്നതിന് എത്തിയതായിരുന്നുവെന്നാണ് പൊലീസ് പറയുന്നത്.