കൊച്ചി : ഒരു മെക്സിക്കൻ അപാരത, ദി ഗാംബ്ലർ എന്നീ ചിത്രങ്ങളുടെ സംവിധായകൻ ടോം ഇമ്മട്ടി ആദ്യമായി അഭിനേതാവാകുന്ന ‘ഈശോയും കള്ളനും’. നവാഗതനായ കിഷോർ ക്രിസ്റ്റഫർ സംവിധാനം ചെയ്യുന്നു. ഫസ്റ്റ് ലുക്ക് പോസ്റ്റർ റിലീസായി. സംവിധായകൻ തന്നെ കഥയെഴുതി ഛായാഗ്രഹണം നിർവഹിക്കുന്ന ചിത്രം മിറർ റോക് പ്രൊഡക്ഷൻസിൻ്റെ ബാനറിൽ സുരേഷ് ഗോപുവാണ് നിർമ്മാണം. മാറ്റിനി.ലൈവ് ആണ് സഹ നിർമ്മാണം.
ടോം ഇമ്മട്ടിയെ കൂടാതെ നിരവധി പുതുമുഖങ്ങളും ചിത്രത്തിൽ അഭിനയിക്കുന്നുണ്ട്. ചിത്രീകരണം പുരോഗമിക്കുന്നു. സംഗീതം ഒരുക്കുന്നത് നിനോയ് വർഗീസ് ആണ്. വാർത്ത പ്രചാരണം: പി.ശിവപ്രസാദ്
