തിരുവനന്തപുരം> ഓണത്തോടനുബന്ധിച്ച് സപ്ലൈകോ നടത്തിയ സമ്മാനമഴയിലെയും സപ്ലൈകോ സമൃദ്ധി കിറ്റ് വാങ്ങിയ ഉപഭോക്താക്കളിലെയും ഭാഗ്യ വിജയികളെ നറുക്കെടുപ്പിലൂടെ തെരഞ്ഞെടുത്തു. സപ്ലൈകോ കേന്ദ്ര കാര്യാലയത്തിൽ നടന്ന നറുക്കെടുപ്പിൽ നറുക്കെടുപ്പ് നിർവഹിച്ച മന്ത്രി അഡ്വക്കറ്റ് ജി ആർ അനിൽ 11 വിജയികളെ പ്രഖ്യാപിച്ചു. ഒരു ഗ്രാം സ്വർണം വീതമാണ് വിജയികൾക്ക് നൽകുക.
ഓഗസ്റ്റ് 26 മുതൽ സെപ്റ്റംബർ 7 വരെ സപ്ലൈകോയിലെ വിവിധ വില്പനശാലകളിൽ നിന്ന് ഭക്ഷ്യവസ്തുക്കൾ വാങ്ങിയവരുടെ പേരാണ് സപ്ലൈകോ സമ്മാനമഴ നറുക്കെടുപ്പിലൂടെ തെരഞ്ഞെടുത്തത്. ഒരു വനിത, ഒരു പുരുഷൻ എന്നീ ക്രമത്തിൽ മേഖലാതലത്തിൽ രണ്ടുപേർക്ക് ഒരു ഗ്രാം സ്വർണം വീതമാണ് നൽകുക. നറുക്കെടുപ്പിലൂടെ വിജയികളായ ഉപഭോക്താക്കളുടെ പട്ടിക ചുവടെ.
തിരുവനന്തപുരം മേഖല: സരിത (ബാലരാമപുരം മാവേലി സ്റ്റോർ), ഷെരീഫ് (തമ്പാനൂർ സപ്ലൈകോ സൂപ്പർമാർക്കറ്റ്), എറണാകുളം മേഖല: ഷീജ കെ വി (മരട് സൂപ്പർമാർക്കറ്റ്), എം പി വർഗീസ് (ചോറ്റാനിക്കര), പാലക്കാട് മേഖല: മുഹമ്മദ് ഷഫീഖ് (മുസ്ലിയാരങ്ങാടി, മലപ്പുറം), ഹാജറ സി എച്ച് (പടിഞ്ഞാറ്റുമുറി മാവേലി സ്റ്റോർ, മലപ്പുറം), കോഴിക്കോട് മേഖല: അതുല്യ കെ (കക്കയങ്ങാട്, കണ്ണൂർ), അംഷുൽ ജെപി (എൻജിഒ ക്വാർട്ടേഴ്സ്, കോഴിക്കോട്), കോട്ടയം മേഖല: പവിശങ്കർ എസ് നായർ (പൂങ്കാവ്, പത്തനംതിട്ട), ഓമന കെ എസ് (പൊൻകുന്നം, കോട്ടയം).
ഓണത്തോടനുബന്ധിച്ച് സപ്ലൈകോ നൽകിയ സമൃദ്ധി കിറ്റ് വാങ്ങിയവരുടെ നറുക്കെടുപ്പിൽ കോട്ടയം കൂട്ടിക്കൽ സൂപ്പർമാർക്കറ്റിൽ നിന്നും സമൃദ്ധി കിറ്റ് വാങ്ങിയ സീനത്ത് പാത്തുമ്മ വിജയിയായി.
