റിയാദ്
പരിശീലന മത്സരത്തിൽ സൗദി അറേബ്യയെ ഒരു ഗോളിന് വീഴ്ത്തി ക്രൊയേഷ്യ. രണ്ടാംപകുതിയിൽ ആന്ദ്രെ ക്രമറിച്ചാണ് വിജയഗോൾ കുറിച്ചത്. പ്രധാന താരങ്ങളായ ക്യാപ്റ്റൻ ലൂകാ മോഡ്രിച്ച്, ഇവാൻ പെരിസിച്ച്, മാറ്റിയോ കൊവാസിച്ച് എന്നിവരെല്ലാം പകരക്കാരായാണ് കളത്തിൽ എത്തിയത്. 23ന് മൊറോക്കോയുമായാണ് നിലവിലെ റണ്ണറപ്പുകളായ ക്രൊയേഷ്യയുടെ ലോകകപ്പിലെ ആദ്യ കളി.
സ്പെയ്നും ക്രിസ്റ്റ്യാനോ റൊണാൾഡോയുടെ പോർച്ചുഗലും ഇന്ന് പരിശീലന മത്സരത്തിനിറങ്ങുന്നു. സ്പെയ്നിന് ജോർദാനാണ് എതിരാളി. രാത്രി ഒമ്പതരയ്ക്കാണ് മത്സരം. പോർച്ചുഗൽ രാത്രി 12.15ന് നൈജീരിയയുമായി ഏറ്റുമുട്ടും.
