ന്യൂഡൽഹി > എന്ഫോഴ്സ്മെന്റ് കേസിലെ സിദ്ദിഖ് കാപ്പന്റെ ജാമ്യാപേക്ഷ ലഖ്നൗ ജില്ലാകോടതി തള്ളി. നേരത്തെ യുഎപിഎ കേസില് കാപ്പന് ജാമ്യം ലഭിച്ചിരുന്നെങ്കിലും ഇഡി കേസില് ജാമ്യം ലഭിക്കാത്തതിനാൽ ജയിൽ മോചനം സാധ്യമായിരുന്നില്ല.
ഹാത്രസില് കൂട്ടബലാത്സംഗത്തിന് ഇരയായി പെണ്കുട്ടി മരിച്ച സ്ഥലത്തേക്ക് പോകും വഴിയാണ് 2020 ഒക്ടോബർ അഞ്ചിന് സിദ്ദിഖ് കാപ്പൻ ഉൾപ്പെടെയെുള്ളവര് അറസ്റ്റിലായത്. യുപി സർക്കാര് യുഎപിഎ ചുമത്തി ജയിലിലടച്ച സിദ്ദിഖ് കാപ്പന് കഴിഞ്ഞ മാസം ഒന്പതിനാണ് സുപ്രീംകോടതി യുഎപിഎ കേസില് ജാമ്യം അനുവദിച്ചത്. യുപി പൊലീസ് കണ്ടെത്തിയ തെളിവുകള് അപര്യാപ്തമാണെന്ന് ചൂണ്ടിക്കാട്ടിയാണ് ചീഫ് ജസ്റ്റിസ് യു യു ലളിത് അധ്യക്ഷനായ ബെഞ്ച് ജാമ്യം നല്കിയത്. അടുത്ത ആറാഴ്ച കാപ്പൻ ദില്ലിയില് തങ്ങണം എന്ന നിബന്ധനയിലായിരുന്നു ജാമ്യം. എന്നാല്, ഇഡി രജിസ്റ്റര് ചെയ്ത കേസില് കൂടി ജാമ്യം ലഭിച്ചാല് മാത്രമേ സിദ്ദിഖ് കാപ്പന് പുറത്തിറങ്ങാൻ സാധിക്കൂ.
