ആംസ്റ്റർഡാം
അയാക്സിനെ മൂന്ന് ഗോളിന് തകർത്ത് ലിവർപൂൾ ചാമ്പ്യൻസ് ലീഗ് ഫുട്ബോൾ പ്രീക്വാർട്ടറിൽ. മുഹമ്മദ് സലാ, ഡാർവിൻ നൂനെസ്, ഹാർവി എല്ലിയറ്റ് എന്നിവരാണ് ലക്ഷ്യംകണ്ടത്. ബയേർ ലെവർകൂസനോട് സമനില വഴങ്ങിയ അത്ലറ്റികോ മാഡ്രിഡ് പുറത്തായി (2–-2).
പരിക്കുസമയം യാനിക് കറാസ്കോ പെനൽറ്റി പാഴാക്കിയതാണ് അത്ലറ്റിക്കോയുടെ പുറത്തുപോകലിന് വഴിവച്ചത്. മറ്റ് മത്സരങ്ങളിൽ ടോട്ടനം ഹോട്സ്പറിനെ സ്പോർടിങ് 1–-1ന് തളച്ചു. റേഞ്ചേഴ്സിനെ നാപോളി മൂന്ന് ഗോളിന് മുക്കി.
