സിമ്മൺസ്‌ രാജിവച്ചു

ആന്റിഗ്വ
ട്വന്റി 20 ക്രിക്കറ്റ് ലോകകപ്പിൽ സൂപ്പർ 12ൽ ഇടംപിടിക്കാതെ പുറത്തായതിനുപിന്നാലെ വെസ്റ്റിൻഡീസ് പരിശീലകൻ ഫിൽ സിമ്മൺസ് സ്ഥാനമൊഴിഞ്ഞു. ഗ്രൂപ്പിൽ ഏറ്റവും അവസാനക്കാരായാണ് രണ്ടുതവണ ചാമ്പ്യൻമാരായ വിൻഡീസ് പുറത്തായത്. ഇതോടെയാണ് മുൻ കളിക്കാരനായ സിമ്മൺസ് രാജി പ്രഖ്യാപിച്ചത്. 2016ൽ കരീബിയക്കാരെ ചാമ്പ്യൻമാരാക്കിയ പരിശീലകനാണ്. ഓസീസിനെതിരെ നവംബർ 30ന് ആരംഭിക്കുന്ന ടെസ്റ്റ് പരമ്പരയിൽക്കൂടി സിമ്മൺസ് ടീമിന്റെ ചുമതല വഹിക്കും.