ടോട്ടനത്തെ വീഴ്‌ത്തി യുണൈറ്റഡ്‌

ലണ്ടൻ
പരിശീലകൻ എറിക് ടെൻ ഹാഗിനുകീഴിൽ മാഞ്ചസ്റ്റർ യുണൈറ്റഡ് മെച്ചപ്പെടുന്നു. ഇംഗ്ലീഷ് പ്രീമിയർ ലീഗ് ഫുട്ബോളിൽ കരുത്തരായ ടോട്ടനം ഹോട്സ്പറെ യുണൈറ്റഡ് രണ്ട് ഗോളിന് മടക്കി. ഫ്രെഡും ബ്രൂണോ ഫെർണാണ്ടസുമാണ് ഗോളുകൾ നേടിയത്.

മറ്റ് മത്സരങ്ങളിൽ ലിവർപൂൾ വെസ്റ്റ്ഹാം യുണൈറ്റഡിനെ 1–-0ന് വീഴ്ത്തിയപ്പോൾ ചെൽസിയെ ബ്രെന്റ്ഫോർഡ് ഗോളടിക്കാതെ തളച്ചു. ന്യൂകാസിൽ യുണൈറ്റഡ് എവർട്ടണെയും (1–-0) സതാംപ്ടൺ ബോണിമൗത്തിനെയും (1–-0) തോൽപ്പിച്ചു.