ഡോക്ടർ ആദർശ് സൈക്വ കുവൈത്തിലെ പുതിയ ഇന്ത്യൻ സ്ഥാനപതി

കുവൈറ്റ് സിറ്റി> കുവൈത്തിലെ, പുതിയ ഇന്ത്യൻ സ്ഥാനപതിയായി ഡോക്ടർ ആദർശ് സൈക്വ ചുമതയേൽക്കും. വിദേശ കാര്യ മന്ത്രാലയമാണ് ഇക്കാര്യമറിയിച്ചത്. 2002 ബാച്ചിലെ ഐഎഫ്എസ് ഉദ്യോഗസ്ഥനായ ഡോക്ടർ ആദർശ് സൈക്വ നിലവിൽ വിദേശകാര്യ മന്ത്രാലയത്തിൽ ജോയിന്റ് സെക്രട്ടറിയാണ്. പുതിയ അംബാസഡർ രണ്ടാഴ്ചക്കകം ചുമതല ഏറ്റെടുക്കുമെന്നാണ് സൂചന. നിലവിലെ ഇന്ത്യൻ സ്ഥാനപതി സിബി ജോർജ് ജപ്പാനിലേക്ക് സ്ഥലം മാറിപോകുന്ന ഒഴിവിലേക്കാണു നിയമനം. വിദേശകാര്യ മന്ത്രാലയത്തിന്റെ യുഎൻ വിഭാഗത്തിൽ ഡയറക്ടറായും സ്വൈക സേവനമനുഷ്ഠിച്ചിട്ടുണ്ട്.