ഗുരുവിന്റെ നവോത്ഥാന ചിന്ത എന്നും പ്രചോദനം : സീതാറാം യെച്ചൂരി

ന്യൂഡൽഹി
ശ്രീനാരായണ ജയന്തി ദിനത്തിൽ ഗുരുവിനെ അനുസ്മരിച്ച് സിപിഐ എം ജനറൽ സെക്രട്ടറി സീതാറാം യെച്ചൂരി. ജാതി–-മത–-ദേശ കാഴ്ചപ്പാടുകൾക്ക് അതീതമായ ഗുരുവിന്റെ നവോത്ഥാന ചിന്ത ഇന്നും സമൂഹത്തിന് പ്രചോദനമായി തുടരുകയാണെന്ന് യെച്ചൂരി ട്വീറ്റ് ചെയ്തു. മതാന്ധതയും വിദ്വേഷവും കടന്നാക്രമണങ്ങളും മുമ്പെങ്ങുമില്ലാത്തവിധം രാജ്യത്ത് വളരുമ്പോൾ ഗുരു പകർന്നു നൽകിയ മനുഷ്യത്വത്തിന്റെ ഏകത്വമെന്ന മഹത്തായ ആശയം നടപ്പിൽവരുത്തേണ്ടത് അനിവാര്യതയാണെന്നും അദ്ദേഹം ചൂണ്ടിക്കാട്ടി. 2016ൽ എൺപത്തിമൂന്നാം ശിവഗിരി തീർഥാടനത്തിൽ പങ്കെടുത്തു നടത്തിയ പ്രസംഗവും യെച്ചൂരി അനുസ്മരിച്ചു.