കന്യാകുമാരി
കോൺഗ്രസ് അധ്യക്ഷ സ്ഥാനത്തേക്കുള്ള തെരഞ്ഞെടുപ്പിൽനിന്ന് വിട്ടുനിൽക്കാനിടയില്ലെന്ന് സൂചന നൽകി രാഹുൽ ഗാന്ധി. എന്താണ് ചെയ്യേണ്ടതെന്ന് തീരുമാനിച്ചെന്നു്ം ആശയക്കുഴപ്പങ്ങളുമില്ലെന്നും രാഹുല് പറഞ്ഞു. തെരഞ്ഞെടുപ്പിനു ശേഷമേ താന് കോണ്ഗ്രസ് അധ്യക്ഷനാകുമോ എന്ന കാര്യം വ്യക്തമാകൂ . ഈ ഘട്ടത്തിൽ ഒരുമിച്ചുനിൽക്കേണ്ടത് പ്രതിപക്ഷ പാർടികളുടെ ഉത്തരവാദിത്വമാണെന്നും രാഹുൽ പറഞ്ഞു.
ടീ ഷര്ട്ടിന് 41,000 രൂപ
ഭാരത് ജോഡോ യാത്രയിൽ കോൺഗ്രസ് നേതാവ് രാഹുൽ ഗാന്ധി ധരിച്ച ടി ഷർട്ടിന്റെ വില 41,000 ആണെന്ന് ബിജെപി. ഔദ്യോഗിക ട്വിറ്റർ അക്കൗണ്ടിലൂടെയാണ് ടി ഷർട്ടന്റെ ചിത്രവും വിലയും പുറത്തുവിട്ടത്. ബർബറി എന്ന കമ്പനിയുടെ ഈ ടി ഷർട്ടിന് 41,257 രൂപയാണ് വെബ്സൈറ്റില് വില. എന്നാല് പ്രധാനമന്ത്രി നരേന്ദ്രമോദിയുടെ കോട്ടിന് പത്തുലക്ഷമാണ് വിലയെന്നാണ് കോണ്ഗ്രസിന്റെ പ്രതികരണം.
