നൗകാമ്പ്
ചാമ്പ്യൻസ് ലീഗ് ഫുട്ബോളിൽ ഇന്ന് വമ്പന്മാർ കളത്തിൽ. ബാഴ്സലോണ, ബയേൺ മ്യൂണിക്, ലിവർപൂൾ ടീമുകൾ ഇറങ്ങുന്നു. ഗ്രൂപ്പ് സിയിൽ ബാഴ്സയ്ക്ക് പ്ലസെനാണ് എതിരാളികൾ. കഴിഞ്ഞ സീസണിൽ യൂറോപ കളിക്കേണ്ടിവന്ന ബാഴ്സ ഇക്കുറി വമ്പൻനിരയുമായാണ് എത്തുന്നത്. റോബർട്ട് ലെവൻഡോവ്സ്കി, റഫീന്യ തുടങ്ങി, ഈ സീസണിൽ ഒരുപിടി മികച്ചതാരങ്ങൾ ബാഴ്സയിലെത്തി.
ഗ്രൂപ്പിലെ മറ്റൊരു മത്സരത്തിൽ ബയേൺ ഇന്റർ മിലാനെ നേരിടും. ഗ്രൂപ്പ് എയിൽ നാപ്പോളിയാണ് ലിവർപൂളിന്റെ എതിരാളി. ഗ്രൂപ്പ് ബിയിൽ അത്-ലറ്റികോ മാഡ്രിഡ്–പോർട്ടോ, ക്ലബ് ബ്രുജ്–ബയേർ ലെവർകൂസൻ മത്സരങ്ങളും നടക്കും. ഗ്രൂപ്പ് ഡിയിൽ ടോട്ടനം ഹോട്സ്പർ മാഴ്സയുമായി ഏറ്റുമുട്ടും.
