ലണ്ടൻ
പിയറി എമെറിക് ഒബമയങ്ങ് വീണ്ടും ഇംഗ്ലീഷ് പ്രീമിയർ ലീഗിലേക്ക്. സ്പാനിഷ് ക്ലബ് ബാഴ്സലോണയിൽനിന്ന് ഒബമയെങ് ചെൽസിയിലെത്തി. അഴ്സണൽ താരമായിരുന്ന ഒബമയങ് ബാഴ്സയിൽ ഏഴുമാസമാണ് കളിച്ചത്. റൊമേലു ലുക്കാക്കു ഇന്റർ മിലാനിലേക്ക് ചേക്കേറിയതോടെ ചെൽസി ഒരു മുന്നേറ്റതാരത്തിനായി ശ്രമിക്കുകയായിരുന്നു. ഈ സീസണിൽ അവരുടെ തുടക്കം മികച്ചതായില്ല.
ലിവർപൂൾ, ബ്രസീൽ മധ്യനിരക്കാരൻ ആർതറിനെ യുവന്റസിൽനിന്ന് വായ്പ അടിസ്ഥാനത്തിൽ കൊണ്ടുവന്നു. ബാഴ്സലോണയിൽനിന്നാണ് ആർതർ യുവന്റസിൽ എത്തിയത്.
