കൊച്ചി
ഓണാഘോഷം കഴിഞ്ഞ് വീട്ടിലേക്കുപോയ സ്കൂൾ വിദ്യാർഥിയെ ഉപദ്രവിക്കാൻ ശ്രമിച്ച നാഗാലാൻഡ് സ്വദേശി അഭയലിനെ (28) കടവന്ത്ര പൊലീസ് അറസ്റ്റ് ചെയ്തു. പൊന്നുരുന്നി റെയിൽവേ പാലത്തിനുസമീപം കുട്ടിയെ ബലമായി പിടിച്ച് റെയിൽവേ ട്രാക്കിനടുത്തുള്ള കാട്ടിലേക്ക് കൊണ്ടുപോകാൻ ശ്രമിച്ചെന്നാണ് പരാതി. അഭയലിന്റെ പിടിയിൽനിന്ന് കുതറി രക്ഷപ്പെട്ട കുട്ടി സ്കൂൾ അധികൃതരോടും അച്ഛനോടും വിവരം പറഞ്ഞു. തുടർന്ന് നടത്തിയ തിരച്ചിലിൽ ഇയാളെ പാലത്തിനുസമീപത്തുനിന്ന് പിടികൂടി. വിവരമറിയച്ചതിനെത്തുടർന്ന് കടവന്ത്ര പൊലീസെത്തി ഇയാളെ കസ്റ്റഡിയിലെടുത്തു.
സ്കൂളിനുസമീപത്തെ “ബിഗ് ഫാറ്റ് മോമോ’ എന്ന സ്ഥാപനത്തിലെ ജീവനക്കാരനാണ് പ്രതി. ഇയാൾ മദ്യപിച്ചിരുന്നതായി പൊലീസ് പറഞ്ഞു. സ്കൂളിനുപരിസരത്ത് റെയിൽവേ ട്രാക്കിനുസമീപവും ചില കടകളിലും ലഹരിവിൽപ്പനയുണ്ടെന്ന പരാതിയും വ്യാപകമാണ്.
