ന്യൂഡൽഹി> രാഹുൽ ഗാന്ധി അടക്കമുള്ള കോൺഗ്രസ് നേതൃത്വത്തിനെതിരെ വീണ്ടും ആഞ്ഞടിച്ച് ഗുലാംനബി ആസാദ്. രാഹുൽ നല്ല വ്യക്തിയാണെന്നും എന്നാൽ രാഷ്ട്രീയത്തിന് പറ്റില്ലെന്നും ഗുലാംനബി മാധ്യമങ്ങളോട് പറഞ്ഞു. ബിജെപിയിലേക്ക് ഇല്ലെന്നും ജമ്മു -കശ്മീരിൽ പുതിയ പാർടി രൂപീകരിക്കുമെന്നും വ്യക്തമാക്കി. കഴിഞ്ഞ തെരഞ്ഞെടുപ്പിൽ രാഹുൽ മുന്നോട്ടുവച്ച ‘ചൗക്കിദാർ ചോർ ഹൈ‘ മുദ്രാവാക്യത്തോട് മുതിർന്ന നേതാക്കൾക്ക് യോജിപ്പില്ലായിരുന്നു.
ആന്റണിയും മൻമോഹനുമൊക്കെയുള്ള നേതൃയോഗത്തിൽ മുദ്രാവാക്യത്തെ പിന്തുണയ്ക്കുന്നവർ കൈപൊക്കാൻ രാഹുൽ ആവശ്യപ്പെട്ടു. പ്രവർത്തകസമിതി അർഥമില്ലാത്തതായി.
