വേങ്ങര ഊരകത്ത് ബൈക്ക് ടോറസിനടിയിൽപെട്ട് യുവാവ് മരിച്ചു

വേങ്ങര > ഊരകം കുന്നത്ത് ബൈക്ക് ടോറസ്സിനടിയിൽപ്പെട്ട് യുവാവ് തൽക്ഷണം മരിച്ചു. ഊരകം പൂളാപ്പീസ്, കരിയാരത്തെ പരേതനായ കമ്പിളിയത്ത് സുരേഷിൻ്റെ മകൻവിഷ്ണു (21) ആണ് മരിച്ചത്. രാത്രി എട്ടോടെ വേങ്ങര നിന്നും പൂളാപ്പീസിലേക്ക് വരികയായിരുന്ന വിഷ്ണു സഞ്ചരിച്ച ബൈക്ക് മഴയിൽ തെന്നി വേങ്ങര ഭാഗത്തേക്കു പോകുന്ന ടോറസിനടിയിൽപെടുകയായിരുന്നു. മൃതദേഹം തിരൂരങ്ങാടി താലൂക്ക് ആശുപത്രി മോർച്ചറിയിലേക്ക് മാറ്റി. അമ്മ: സരോജിനി. സഹോദരങ്ങൾ: ജിഷ്ണ, ശ്രീഷ്ണ.