കൊച്ചി
കാളിദാസ് ജയറാം നായകനായ ‘നക്ഷത്തിരം നകർകിരത്’ 31ന് തിയറ്ററുകളിൽ എത്തുമെന്ന് സംവിധായകൻ പാ രഞ്ജിത് വാർത്താസമ്മേളനത്തിൽ പറഞ്ഞു. ‘പ്രണയവും ഒരു രാഷ്ട്രീയമാണ്’ എന്ന ടാഗ്ലൈനുമായി എത്തുന്ന ‘നക്ഷത്തിരം നകർകിരത്’ പ്രണയത്തിനുപിന്നിൽ സമൂഹം മെനയുന്ന കഥകളാണ് ചർച്ച ചെയ്യുന്നത്.
കലൈ അരസൻ മറ്റൊരു കേന്ദ്രകഥാപാത്രമാകുന്ന ചിത്രത്തിൽ ഹരികൃഷ്ണൻ, വിനോദ്, സർപ്പട്ടൈ പരമ്പരയിലൂടെ ശ്രദ്ധേയനായ മലയാളിനടൻ ഷബീർ കല്ലറക്കൽ, റെജിൻ റോസ്, ദാമു തുടങ്ങിയവരും പ്രധാന വേഷങ്ങളിലുണ്ട്. മലയാളിതാരം വിൻസിയാണ് നായികമാരിൽ ഒരാൾ. കാളിദാസ് ജയറാം, കലൈ അരശൻ, ഷബീർ കല്ലറയ്ക്കൽ, വിൻസി എന്നിവരും വാർത്താസമ്മേളനത്തിൽ പങ്കെടുത്തു.
