ലണ്ടൻ
കൗണ്ടി ടീം സസെക്സിനായി ചേതേശ്വർ പൂജാരയുടെ മിന്നുന്ന പ്രകടനം തുടരുന്നു. റോയൽ ലണ്ടൻ കപ്പ് ഏകദിന ചാമ്പ്യൻഷിപ്പിൽ മൂന്നാം സെഞ്ചുറിയാണ് ഇന്ത്യൻതാരം നേടിയത്. 90 പന്തിൽ 132 റണ്ണെടുത്ത പൂജാര മിഡിൽസെക്സിനെതിരെ സസെക്സിന് 157 റൺ ജയവും നൽകി. സസെക്സ് സെമിയിലേക്കും മുന്നേറി.
ആദ്യം ബാറ്റ് ചെയ്ത സസെക്സ് നാലിന് 400 റണ്ണാണ് അടിച്ചുകൂട്ടിയത്. മിഡിൽസെക്സ് 243ന് പുറത്തായി. പൂജാര രണ്ട് സിക്സറും 20 ഫോറും പറത്തി. ഓപ്പണർ ടോം അൽസോപ് 155 പന്തിൽ 189 റണ്ണുമായി പുറത്താകാതെനിന്നു.
