തിരുവനന്തപുരം> വടക്ക് പടിഞ്ഞാറന് ബംഗാള് ഉള്കടലില് ഒഡിഷ- പശ്ചിമ ബംഗാള് തീരത്തിനു മുകളിലായി ന്യൂനമര്ദ്ദം രൂപപ്പെട്ടു. അടുത്ത 24 മണിക്കൂറിനുള്ളില് ഇത് ശക്തിപ്പെടാന് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.
തെക്കന് മഹാരാഷ്ട്ര തീരം മുതല് വടക്കന് കേരള തീരം വരെ ന്യൂനമര്ദ്ദ പാത്തി രൂപപ്പെട്ടിരിക്കുകയാണ്. മധ്യ കിഴക്കന് അറബിക്കടലില് ചക്രവാത ചുഴിയും നിലനില്ക്കുന്നു. മണ്സൂണ് പാത്തി അതിന്റെ സാധാരണ സ്ഥാനത്തുനിന്നും തെക്കോട്ടു മാറി സ്ഥിതി ചെയ്യുകയാണ്.ഇതിന്റെ സ്വാധീനത്താല് കേരളത്തില് ആഗസ്റ്റ് 6 മുതല് 10 വരെ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു
