ദുബായ്> കോളേജ് അലുംനികളുടെ കൂട്ടായ്മയായ അക്കാഫ് ഈവന്റ്സ് ഒക്ടോബർ രണ്ടിന് സംഘടിപ്പിക്കുന്ന ഓണപ്രോഗ്രാം ശ്രാവണ പൗർണമിയുടെ ലോഗോ പ്രകാശനം ചെയ്തു. സോഷ്യൽ മീഡിയ താരവും ബിഗ് ബോസ് റണ്ണറപ്പുമായ ബ്ലസ്ലിയാണ് ലോഗോ പ്രകാശനം ചെയ്തത്. പ്രശസ്ത കലാകാരന്മാരെ അണിനിരത്തി വൈവിധ്യമാർന്ന കലാപരിപാടികളാണ് ഇത്തവണത്തെ ഓണത്തിന് ഒരുക്കുന്നതെന്ന് അക്കാഫ് പ്രസിഡൻറ് ചാൾസ് പോൾ അറിയിച്ചു.
വിവിധ കോളേജുകൾ മാറ്റുരയ്ക്കുന്ന അത്തപ്പൂക്കളം , തിരുവാതിര തുടങ്ങിയ ഇനങ്ങളിൽ മത്സരങ്ങളും ഉണ്ടാകുമെന്ന് ഓണം ജനറൽ കൺവീനർ ഷിബു മുഹമ്മദ് അറിയിച്ചു. ജനറൽ സെക്രട്ടറി വി.എസ്.ബിജുകുമാറും മറ്റു ഭാരവാഹികളും ലോഗോ പ്രകാശന ചടങ്ങിൽ സന്നിഹിതരായിരുന്നു.
