കോഴിക്കോട്> നാലാമത് ‘പെല്വിസ് ജീന്സ് സിഗ്മ ഫാഷന് ഫെസ്റ്റിവല് 2022’ ആഗസ്റ്റ് 9, 10, 11 തീയതികളില് കോഴിക്കോട് ട്രേഡ് സെന്ററില് നടക്കുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. 5000 ത്തിലധികം ചെറുകിട വ്യാപാരികളും വിതരണക്കാരും 200ലധികം വസ്ത്രനിര്മാതാക്കളും മിഡില് ഈസ്റ്റ്, യൂറോപ്പ്, അമേരിക്ക, ആഫ്രിക്ക എന്നിവിടങ്ങളില്നിന്നായി 100ല് അധികം കയറ്റുമതിക്കാരും മേളയുടെ ഭാഗമാകും.
മൂന്ന് ദിവസങ്ങളിലായി നടക്കുന്ന മേളയില് 170ല് അധികം സ്റ്റാളുകളിലൂടെ രാജ്യമെമ്പാടുമുള്ള വസ്ത്രനിര്മാതാക്കളും വിതരണക്കാരും പുതിയ ഉല്പ്പന്നങ്ങളും ബ്രാന്ഡുകളും അവതരിപ്പിക്കും. ഫാഷന് രംഗത്തെ വിവിധ വിഭാഗങ്ങളിലായി 20ഓളം സിഗ്മ അവര്ഡുകള് സമ്മാനിക്കും. സിഗ്മ ആനുവല് മാഗസിന് പ്രകാശനവും മേളയില് നടക്കും. രാജ്യത്തെ പ്രശസ്ത സ്റ്റൈലിസ്റ്റുകളും മോഡലുകളും സോഷ്യല് മീഡിയ, ഫാഷന് ഇന്ഫ്ലുവന്സര്മാരും മേളയിലെ ഫാഷന് ഷോയില് പങ്കെടുക്കും.
മറ്റ് നിരവധി വിനോദ പരിപാടികളും അരങ്ങേറും. മേളയില് സന്ദര്ശകരായി എത്തുന്ന മേളയിലെത്തുന്ന ചെറുകിട വ്യാപാരികളില്നിന്ന് നറുക്കെടുപ്പിലൂടെ തെരഞ്ഞെടുക്കുന്ന ഭാഗ്യശാലിക്ക് ഡോട്ട്സ് കാര്ഗോ സ്പോണ്സര് ചെയ്യുന്ന ബിഎംഡബ്ല്യു ജി 310 ആര് സ്പോര്ട്സ് ബൈക്ക് സമ്മാനമായി നല്കും.
വാര്ത്താസമ്മേളനത്തില് സിഗ്മ ഫാഷന് ഫെസ്റ്റിവല് 2022 ലോഗോ ജനറല് സെക്രട്ടറി അബ്ബാസ് അദ്ധറ പ്രകാശനം ചെയ്തു. സിഗ്മ വൈസ് പ്രസിഡന്റ് അബ്ദുള് റഷീദ്, ജോയിന്റ് സെക്രട്ടറി നെല്സണ്, ട്രഷറര് ഷരീഫ് കെ എച്ച്, സിഗ്മ ഫാഷന് ഫെസ്റ്റിവല് ചെയര്മാന് ഫിറോസ് ഖാന്, കണ്വീനര് ഹിര്ഷാദ് അഹമ്മദ് എന്നിവര് പങ്കെടുത്തു.
Photo Caption
കോഴിക്കോട് ട്രേഡ് സെന്ററില് നടന്ന വാര്ത്താസമ്മേളനത്തില് പെല്വിസ് ജീന്സ് സിഗ്മ ഫാഷന് ഫെസ്റ്റിവല് 2022 ലോഗോ സിഗ്മ ജനറല് സെക്രട്ടറി അബ്ബാസ് അദ്ധറ പ്രകാശനം ചെയ്യുന്നു.
