കൊച്ചി
ഇന്ത്യയും ദക്ഷിണാഫ്രിക്കയും തമ്മിലുള്ള ട്വന്റി–-20 ക്രിക്കറ്റ് മത്സരം തിരുവനന്തപുരത്ത്. കാര്യവട്ടം ഗ്രീൻഫീൽഡ് സ്റ്റേഡിയത്തിൽ സെപ്തംബർ ഇരുപത്തെട്ടിനാണ് മത്സരം. മൂന്ന് മത്സരമായിരിക്കും പരമ്പരയിൽ.
ഇതിനുമുമ്പ് രണ്ട് ട്വന്റി–-20 മത്സരങ്ങൾക്ക് കാര്യവട്ടം വേദിയായിട്ടുണ്ട്. ഒരു ഏകദിനവും നടന്നു. രണ്ട് ട്വന്റി–-20യിലും ഇന്ത്യക്കായിരുന്നു ജയം.
ന്യൂസിലൻഡിനെയും വെസ്റ്റിൻഡീസിനെയുമാണ് തോൽപ്പിച്ചത്. ഏകദിനത്തിൽ വിൻഡീസിനോട് തോറ്റു. 2019ലായിരുന്നു അവസാന മത്സരം.
