തിരുവനന്തപുരം> അറബിക്കടലിലെ ന്യൂനമര്ദ്ദം ദുര്ബലമായതായി കേന്ദ്ര കാലാവസ്ഥ വകുപ്പ്.മണ്സൂണ് പാത്തി അതിന്റെ സാധാരണ സ്ഥാനത്തു നിന്ന് വടക്കോട്ട് മാറിയതായും കാലാവസ്ഥ വകുപ്പ് അറിയിച്ചു. ഇതിന്റെയെല്ലാം സ്വാധീനഫലമായി കേരളത്തില് അടുത്ത അഞ്ചുദിവസം വ്യാപകമായ മഴയ്ക്ക് സാധ്യതയുണ്ടെന്നും അധികൃതര് മുന്നറിയിപ്പ് നല്കി.
ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും സാധ്യതയുണ്ട്.ഇന്ന് കണ്ണൂര്, കാസര്കോട് ജില്ലകളില് ശക്തമായ മഴയാണ് പ്രവചിക്കുന്നത്. ചൊവ്വാഴ്ച മലപ്പുറം, കണ്ണൂര്, കാസര്കോട് ജില്ലകളിലും ബുധനാഴ്ച പാലക്കാട്, മലപ്പുറം, കണ്ണൂര്, കാസര്കോട് ജില്ലകളിലും ജാഗ്രതാനിര്ദേശം നല്കിയിട്ടുണ്ട്.
