രാഷ്ട്രപതി തെരഞ്ഞെടുപ്പ്; എഎപി യശ്വന്ത് സിൻഹയെ പിന്തുണയ്‌ക്കും

ന്യൂഡൽഹി> രാഷ്ട്രപതി തെരഞ്ഞെടുപ്പിൽ പ്രതിപക്ഷ സ്ഥാനാർഥി യശ്വന്ത് സിൻഹയെ ആം ആദ്മി പാർടി പിന്തുണയ്ക്കും. എഎപി എംപി സഞ്ജയ് സിങ്ങാണ് ശനിയാഴ്ച വാർത്താ സമ്മേളനത്തിൽ ഇക്കാര്യം വ്യക്തമാക്കിയത്. ഡൽഹി മുഖ്യമന്ത്രി അരവിന്ദ് കെജ്രിവാളിന്റെ അധ്യക്ഷതയിൽ ചേർന്ന രാഷ്ട്രീയകാര്യ സമിതിയാണ് തീരുമാനമെടുത്തത്. ലോക്സഭയിൽ അംഗങ്ങളില്ലെങ്കിലും രാജ്യസഭയിൽ 10 അംഗങ്ങൾ ആം ആദ്മിക്കുണ്ട്.