തൃശൂർ> ബാങ്ക് എംപ്ലോയീസ് ഫെഡറേഷൻ ഓഫ് ഇന്ത്യ മലപ്പുറം ജില്ലാ സെക്രട്ടറിയും സംസ്ഥാന വൈസ് പ്രസിഡന്റുമായിരുന്ന എ അജയൻ (65) അന്തരിച്ചു. സംസ്കാരം ബുധൻ പകൽ രണ്ടിന് തൃശൂർ പാറമേക്കാവ് ശാന്തിഘട്ടിൽ. വിയ്യൂർ ഇൻഡസ് അവന്യൂവിലാണ് താമസം. കനറാ ബാങ്ക് ജീവനക്കാരനായിരുന്നു. കനറാ ബാങ്ക് സ്റ്റാഫ് യൂണിയൻ ദേശീയ സെക്രട്ടറിയായിരുന്നു. മലപ്പുറം ജില്ലയിലെ പുലാമന്തോൾ ചെമ്മലശ്ശേരി സ്വദേശിയാണ്.|
സ്വാതന്ത്ര്യസമരസേനാനിയും ആദ്യകാല കമ്യൂണിസ്റ്റ് നേതാവും ദേശാഭിമാനി വാരിക ചീഫ് എഡിറ്ററുമായിരുന്ന ചെറുകാട് രാഘവപിഷാരോടി (ആർപി) യുടെയും ആണ്ടാള പിഷാരത്ത് എ സരോജിനിയുടെയും മകനാണ്. ഭാര്യ: പരേതയായ രുഗ്മിണീദേവി(റിട്ട. അധ്യാപിക, പരുതൂർ ഹൈസ്കൂൾ). മകൾ: അഷിത, മരുമകൻ: സുമൻ (ഹിന്ദ് വെയർ സ്റ്റേറ്റ് ഹെഡ്), സഹോദരങ്ങൾ: ഗീത (റിട്ട. പ്രധാനാധ്യാപിക, ജിയുപിഎസ് മാഹി), വിജയരാഘവൻ (റിട്ട. എച്ച്എംടി ഉദ്യോഗസ്ഥൻ), കൃഷ്ണകുമാരി (സീനിയർ സബ് എഡിറ്റർ, ദേശാഭിമാനി തൃശൂർ).
