മലയാളി അസോസിയേഷൻ ഓഫ് വിക്ടോറിയയുടെ (MAV) നേതൃത്വത്തിൽ MAV CUP ബാഡ്മിന്റൺ ടൂർണമെന്റ് സംഘടിപ്പിക്കുന്നു. ജൂലൈ 16 ശനിയാഴ്ച രാവിലെ 8 മണി മുതൽ 4 മണി വരെ മെൽബണിലെ സൗത്ത് ഈസ്റ്റ് സബർബായ Clyde North -ൽ Sports Arena AU -ൽ വച്ചാണ് ടൂർണമെന്റ്. മൂന്നു വിഭാഗത്തിലുള്ള മത്സരങ്ങളാണ് ടൂർണമെന്റിൽഉള്ളത്. വിജയികൾക്ക് ഡബിൾസ് വിഭാഗത്തിൽ $ 500 ഉം ട്രോഫിയും റണ്ണേഴ്സ് അപ്പിനു $ 300 ഉംട്രോഫിയും സിംഗിൾസ് വിഭാഗത്തിന് യഥാക്രമം $ 250 ഉം ട്രോഫിയും റണ്ണേഴ്സപ്പിനു $ 200 ഉംട്രോഫിയും സമ്മാനമായി ലഭിക്കും.
മലയാളി അസോസിയേഷൻ ഓഫ് വിക്ടോറിയയുടെ ഓണാഘോഷ ദിവസമായ ഓഗസ്റ് 28 ഞായറാഴ്ച Springvale ടൗൺ ഹാളിൽ വച്ച് സമ്മാനദാനം നടത്തപ്പെടും. സ്പോർട്സ് പ്രേമികളായ എല്ലാവരെയും ബാഡ്മിന്റൺ ടൂര്ണമെന്റിലേക്ക് സഹർഷം സ്വാഗതം ചെയ്യുന്നതായും എല്ലാവരുടെയും സഹായസഹകരണങ്ങൾ അഭ്യർഥിക്കുന്നതായും മലയാളി അസോസിയേഷൻ ഓഫ് വിക്ടോറിയഭാരവാഹികൾ അറിയിച്ചു. സിഡ്നി ആസ്ഥാനമായുള്ള NFinity Financials ആണ് ടൂർണമെന്റ് സ്പോൺസർ ചെയ്തിട്ടുള്ളത്. കൂടുതൽ വിവരങ്ങൾക്ക് ഭാരവാഹികളുമായി ബന്ധപ്പെടുക.
