അബുദാബി > ചലച്ചിത്രരംഗത്ത് പ്രവർത്തിക്കുന്ന സർഗ്ഗധനരായ കലാകാരന്മാരെ പ്രോത്സാഹിപ്പിക്കുന്നതിനായി ശക്തി തിയറ്റേഴ്സ് അബുദാബിയുടെ ആഭിമുഖ്യത്തിൽ ഹ്രസ്വചലച്ചിത്രോത്സവം സംഘടിപ്പിക്കുന്നു. ജൂലൈ 17 ഞായറാഴ്ച വൈകീട്ട് 6 നു കേരള സോഷ്യൽ സെന്റർ അങ്കണത്തിലാണ് പ്രദർശനം ഒരുക്കിയിരിക്കുന്നത്. മൂന്നു മിനുട്ടിൽ കുറയാത്തതും അര മണിക്കൂറിൽ കൂടാത്തതുമായ ചിത്രങ്ങളാണ് പ്രദർശനത്തിന് പരിഗണിക്കുന്നത്.
പ്രദർശനത്തിന് പരിഗണിക്കാവുന്ന ചിത്രങ്ങൾ തെരഞ്ഞെടുക്കുവാനും സമയക്രമങ്ങൾ തീരുമാനിക്കുവാനുമുള്ള അധികാരം സംഘാടകർക്കായിരിക്കും.
ചലചിത്രോത്സവത്തിൽ പ്രദർശിപ്പിക്കുന്നതിനു താത്പര്യമുള്ള ചിത്രങ്ങൾ ജൂലൈ 14 നകം sakthitheatres@gmail.com എന്ന മെയിലിൽ അയച്ചു തരണമെന്ന് അഭ്യർത്ഥിക്കുന്നു. കൂടുതൽ വിവരങ്ങൾക്ക് 050 8227520 / 056 1971571 എന്നീ നമ്പറുകളിൽ ബന്ധപ്പെടുക.
