മാവൂർ> കോഴിക്കോട് മാവൂർ ചാലിപ്പാടത്ത് തോണി മറിഞ്ഞ് യുവാവ് മരിച്ചു. മലപ്രം സ്വദേശി ഷാജുവാണ് മരിച്ചത്. ഇന്നലെ രാത്രി 11 മണിക്ക് മീൻപിടിക്കുന്നതിനിടെയായിരുന്നു അപകടം.
രാത്രി മീൻപിടിക്കുന്നതിനിടെ ഷാജുവും സുഹൃത്തും വെള്ളക്കെട്ടിൽ വീഴുകയായിരുന്നു. സുഹൃത്ത് നീന്തി രക്ഷപ്പെട്ടെങ്കിലും ഷാജു തോണിയുടെ അടിയിൽപ്പെട്ടുപോവുകയായിരുന്നു. തുടർന്ന് നാട്ടുകാരെത്തി ഷാജുവിനെ രക്ഷപ്പെടുത്തി കോഴിക്കോട് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
