ശ്രീലങ്ക 
തിരിച്ചടിക്കുന്നു

ഗള്ളെ
ഓസ്ട്രേലിയക്കെതിരായ രണ്ടാം ക്രിക്കറ്റ് ടെസ്റ്റിൽ ശ്രീലങ്ക തിരിച്ചടിക്കുന്നു. ഒന്നാം ഇന്നിങ്സിൽ ഓസീസിനെ 364 റണ്ണിന് മടക്കിയ ലങ്കക്കാർ രണ്ടാംദിനം കളി നിർത്തുമ്പോൾ 2–-184 റണ്ണെന്ന നിലയിലയാണ്. കുശാൽ മെൻഡിസും (84) ഏയ്ഞ്ചലോ മാത്യൂസുമാണ് (6) ക്രീസിൽ. ക്യാപ്റ്റൻ ദിമുത് കരുണരത്ന 86 റണ്ണടിച്ചു. രണ്ടാംദിനം 5–-298ന് ബാറ്റിങ് ആരംഭിച്ച ഓസീസിന് 35 റൺ കൂട്ടിച്ചേർക്കാനെ കഴിഞ്ഞുള്ളു. ആറ് വിക്കറ്റെടുത്ത അരങ്ങേറ്റക്കാരൻ പ്രഭാത് ജയസൂര്യയാണ് ലങ്കയ്ക്കായി മിന്നിയത്.