തിരുവനന്തപുരം> തിരുവനന്തപുരം മണ്ണന്തലയിൽ യുവാവിനെ അഞ്ചംഗ സംഘം ആക്രമിക്കുന്ന ദൃശ്യങ്ങൾ പുറത്ത്. കാറിലെത്തിയ യുവാവിനെ സംഘം തട്ടിക്കൊണ്ടുപോയി ക്രൂരമായ മർദിക്കുന്ന വീഡിയോ ആണ് സമൂഹമാധ്യമങ്ങളിലൂടെ പുറത്ത് വന്നത്. കഴിഞ്ഞ ശനിയാഴ്ചയാണ് കല്ലയം നെടുമൺ സ്വദേശി വിശാഖിനെ സംഘം തട്ടിക്കൊണ്ടുപോയത്.
ചുറ്റിക കൊണ്ട് യുവാവിന്റെ കാല്മുട്ട് തല്ലിയൊടിക്കുന്നതും സംഘം ചേര്ന്ന് മര്ദിക്കുന്നതും ദൃശ്യങ്ങളിലുണ്ട്. ഗുരുതരമായി പരിക്കേറ്റ വിശാഖിനെ പുതുകുന്നില് ഉപേക്ഷിച്ച് പ്രതികള് കടന്നുകളഞ്ഞിരുന്നു. യുവാവിനെ കാണാത്തതിനെ തുടർന്ന് അന്വേഷിച്ചെത്തിയ ബന്ധുക്കളാണ് തിരുവനന്തപുരം മെഡിക്കൽ കോളജ് ആശുപത്രിയിലെത്തിച്ചത്. ഇയാളുടെ വാരിയെല്ലിനടക്കം പരുക്കേറ്റിട്ടുണ്ട്. സംഭവത്തിൽ പൊലീസ് കേസെടുത്തു.
