പാരിസ്
സിനദിൻ സിദാൻ പിഎസ്ജിയുടെ പരിശീലകനായേക്കുമെന്ന് അഭ്യൂഹം. മൗറീസിയോ പൊച്ചെട്ടീനോയ്ക്കുപകരമാകും ഫ്രഞ്ചുകാരൻ എത്തുക.
സ്പാനിഷ് ടീം റയൽ മാഡ്രിഡിന് തുടർച്ചയായി മൂന്നു ചാമ്പ്യൻസ് ലീഗ് കിരീടം സമ്മാനിച്ച സിദാൻ കഴിഞ്ഞവർഷംവരെ അവരുടെ പരിശീലകനായിരുന്നു. പിഎസ്ജിയുടെ ഉടമകളെ കാണാൻ നാൽപ്പത്തൊമ്പതുകാരൻ ഖത്തറിലേക്ക് പറന്നതായും സൂചനകളുണ്ട്.
നേരത്തേ ഫ്രഞ്ച് പ്രസിഡന്റ് ഇമ്മാനുവൽ മാക്രോൺ സിദാൻ പിഎസ്ജിയുടെ പരിശീലകനാകണമെന്ന ആഗ്രഹം വെളിപ്പെടുത്തിയിരുന്നു.
