കൊച്ചി> പരിസ്ഥിതി നമ്മെ സംരക്ഷിക്കുന്നതു പോലെ നാം പരിസ്ഥിതിയെയും സംരക്ഷിക്കണമെന്ന് നടന് മമ്മൂട്ടി. പരിസ്ഥിതി ദിനത്തില് നടക്കുന്ന തൈ നടല് പരിപാടികള്ക്ക് തുടര്ച്ചയുണ്ടാകണം. നടുന്ന തൈകളെ സംരക്ഷിച്ച് വളര്ത്തേണ്ടത് നമ്മുടെ ഉത്തരവാദിത്തമാണെന്നും അദ്ദേഹം പറഞ്ഞു.
പരിസ്ഥിതി സംരക്ഷണത്തിലൂടെ നമ്മുക്ക് സംരക്ഷണം ഉണ്ടാവണം. നമ്മുക്കെല്ലാവര്ക്കും ഈ ബോധ്യം ഉണ്ടാവണം. നമ്മള് തന്നെ നശിപ്പിച്ച ചെടികളും കാടുമൊക്കെ നമ്മള് തന്നെ ഉണ്ടാക്കി കൊണ്ട് സംരക്ഷിക്കുകയെന്നും അദ്ദേഹം കൂട്ടിചേർത്തു. സംസ്ഥാന കൃഷി വകുപ്പിന്റെ ഒരു കോടി ഫലവൃക്ഷത്തൈ വിതരണ പരിപാടി ഞങ്ങളും കൃഷിയിലേക്ക് ഒരു തൈ നടാം പദ്ധതിയുടെ സംസ്ഥാനതല ഉദ്ഘാടനം നിർവഹിച്ച് സംസാരിക്കുകയായിരുന്നു മമ്മൂട്ടി.
ചോറ്റാനിക്കര ഗ്രാമപഞ്ചായത്തില് നടന്ന ചടങ്ങിൽ കൃഷിമന്ത്രി പി. പ്രസാദ്, അനൂപ് ജേക്കബ് എംഎല്എ തുടങ്ങിയവർ പങ്കെടുത്തു.
