ലണ്ടൻ
ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുണൈറ്റഡിന് കനത്ത തോൽവി. ബ്രൈറ്റണോട് നാലുഗോളിന് തകർന്നു. തോൽവിയോടെ അടുത്ത സീസൺ ചാമ്പ്യൻസ് ലീഗിന് യുണൈറ്റഡ് യോഗ്യത നേടില്ലെന്ന് ഉറപ്പായി. 37 കളിയിൽ 58 പോയിന്റുമായി ആറാമതാണ് നിലവിൽ. മൊയിസസ് കയ്സെദോ, മാർക് കുകുറെല്ല, പാസ്കൽ ഗ്രൊബ്, ലിയാൻഡോ ട്രൊസാർഡ് എന്നിവർ ബ്രൈറ്റണായി ഗോളടിച്ചു.
മറ്റൊരു മത്സരത്തിൽ ലീഡ്സ് യുണെെറ്റഡിനെ 2–1ന് തോൽപ്പിച്ച് അഴ്സണൽ ചാമ്പ്യൻസ് ലീഗ് യോഗ്യത സജീവമാക്കി. 35 കളിയിൽ 66 പോയിന്റാണ് അഴ്സണലിന്. ലീഡ്സ് ഇപ്പോഴും തരംതാഴ്ത്തൽ മേഖലയിലാണ്. ലെസ്റ്റർ സിറ്റിയെ 2–1ന് തോൽപ്പിച്ച് എവർട്ടൺ തരംതഴ്ത്തൽ മേഖലയിൽനിന്ന് കരകയറാനുള്ള ശ്രമത്തിലാണ്.
